Багануур Хувьцаат Компани

 
 

Гүйцэтгэх захирлын мэндчилгээ

Эрхэм хүндэт харилцагч, хамтран ажиллаж буй түншүүдээ.

Та бүхнийг манай компаний үйл ажиллагаатай танилцаж   хамтран ажиллахыг Багануур ХК-ийн нэрийн өмнөөс урьж байна. Багануур ХК нь Монгол улсдаа хамгийн их хүчин чадалтайд тооцогдох, дэлхийн тэргүүний техник, технологитой, Монгол улсын нүүрсний хэрэгцээний 40%, төвийн бүсийн 60%-ийг дангаараа хангадаг нүүрсний ил уурхай юм. “Багануур” ХК нь анх 1978 онд 200.0 мян.тн нүүрс олборлох хүчин чадалтай “Багануурын нүүрсний түр уурхай” нэртэйгээр гараагаа эхэлж байсан бөгөөд эдүүгээ 31 дэх жилдээ үйл ажиллагаагаа явуулж, уул уурхай, сувилал, зочид буудал зэрэг салбаруудад нийт 1300 хүний бүрэлдэхүүнтэйгээр үйл ажиллагаагаа явуулж байна.

Сүүлийн жилүүдэд эдийн засгийн үр ашиг, бүтээмжээ тогтмол өсгөх, компанийн бүтэц, зохион байгуулалт, менежментийг улам боловсронгуй болгох, өөрийн ажиллаж буй салбарт тэргүүлэгч нь байх зорилт тавин ажиллаж ирлээ. Бид бүтээгдэхүүн, үйлчилгээгээ хэрэглэгчдэд чанарын өндөр түвшинд, түргэн шуурхай хүргэхийн зэрэгцээ, бизнесийн түншүүдтэй харилцан ашигтай хамтран ажиллаж, тэдгээрийн эрх ашгийг дээдлэн хүндэтгэж, тэдний эрэлт хэрэгцээнд нь тулгуурлан үйл ажиллагаагаа явуулдаг. Цаашид ч бид ард түмнээ илч дулаанаар найдвартай хангах эрхэм үүргээ нэр төртэй биелүүлэн ажиллах болно.

Бид Монгол улсын хөгжлийн төлөө зүтгэж буй байгууллага, хувь хүмүүстэй хамтран ажиллахад хэзээд бэлэн гэдгийг батлан илэрхийлж байна.

 

Гүйцэтгэх захирал Д.Дамбапэлжээ

Алсын хараа

Монгол улсын нүүрсний салбарын чиг хандлагыг тодорхойлогч байна



Эрхэм зорилго

Байгаль орчинд сөрөг нөлөөлөл багатай үйлдвэрлэл явуулж, бүтээгдэхүүн үйлчилгээгээрээ тэргүүлсэн, эдийн засгийн чадавхитай, мэргэшсэн хамт олон бүрдүүлсэн суралцагч компани  болно



Бидний уриа

Өөрчлөлтийг өөрөөсөө эхэлж хамтдаа хөгжицгөөе

 
 
 
 
 
 

"Багануур" Хувьцаат Компани

Багануур ХК-аас хөдөлмөрийн баатар төрлөө

2010 оны 07 сарын 13

Үндэсний их баяр, Их Монгол Улс байгуулагдсаны 804 жилийн ой, Ардын хувьсгалын 89 жил ой, Ардчилсан хувьсгалын 20 жилийн ойг тохиолдуулан Монгол Улсын Ерөнхийлөгч зарлиг гарган эх орныхоо хөгжил дэвшил, бүтээн байгуулалтад үнэтэй хувь нэмэр оруулж салбар салбартаа амжилт гаргасан нэр бүхий хүмүүсийг Монгол Улсын одон медалиар шагнаж хүндэтгэл  үзүүллээ.

Дэлгэрэнгүй

Mining CEO тэмцээн эхэллээ

2009 оны 09 сарын 03

Багануур ХК нь нийт инженер техникийн ажилтнуудынхаа дунд анх удаа шилдэг инженер шалгаруулах Mining CEO тэмцээнийг зохион байгуулж байна. Уг тэмцээний зорилго нь инженер техникийн ажилтнууд багаар ажиллаж, гүйцэтгэх түвшинд шийдвэр гарган хэрэгжүүлэх, ур чадварыг нэмэгдүүлэх замаар компанийн зорилтот түвшинг хангах юм.

 

Дэлгэрэнгүй

Манай компанид “Алтан гадас” одонт уурхайчин нэгээр нэмэгдлээ

2009 оны 03 сарын 27

Өнгөрөгч хоёрдугаар сард,  сар шинийн баярын өмнөхөн манай компанийн уулын нэгдүгээр хэсгийн ЭШ 15/90 экскаваторын машинч Г.Отгонпүрэв Монгол улсын Гавьяат уурхайчин болж төр түмнээрээ хийсэн ажлаа үнэлүүлж  уурхайчид бид бүхнийг баярлуулсан. Тэгвэл энэ гуравдугаар сард манай  компанийн ахмад уурхайчин Ц.Цэвээнбалжир Төрийн дээд шагнал “Алтангадас” одонгоор шагнууллаа.

 

Дэлгэрэнгүй

Элсэн цаг тэмцээн зохион байгууллаа

2009 оны 03 сарын 20

Нүүрс бутлан ачих хэсгийн эмэгтэйчүүд  эрчүүдийнхээ  баярыг тун сонирхолтойгоор зохион байгууллаа. Эдний хамт олон жил бүр уламжлал болгон “Элсэн цаг” хөгжилтэй  зохион байгуулдаг  бөгөөд хамгийн сонирхолтой нь “Элсэн цаг”-ийн асуултууд нь ажил төрлийн холбоотой нэг ч асуулт байгаагүй  зөвхөн хөгжөөнт, танин мэдэхүй, IQ-ийн болон  ертөнцийн гурваас асуулт бэлтгэсэн байлаа.

 

Дэлгэрэнгүй