"Багануур” ХК-ийн цахим хуудсанд зочилж буй танд энэ өдрийн мэнд хүргэе. Багануурын уурхай үүсэн байгуулагдсан цагаасаа улсынхаа гал голомтыг манаж, дүүргийнхээ хөгжлийн түүчээ болон 38 дахь жилдээ үйл ажиллагаагаа амжилттай явуулж байна.

6 ширхэг шинэ техникээр хөрөнгө оруулалт хийлээ

Багануур ХК нь 2017 оны хөрөнгө оруулалтын төлөвлөгөөний дагуу Вагнер Ази Тоног Төхөөрөмж ХХК-тай гэрээ байгуулан CAT 777D хөрс тээвэрлэлтийн 100 тонны даацтай авто самосвал 2 ширхэг, CAT 773E нүүрс тээвэрлэлтийн 61 тонн даацтай авто самосвал 2 ширхэг, CAT 14M авто грейдер, CAT 824K  маркийн дугуйт түрэгч тус бүр 1 ширхэгийг худалдан авч өнөөдөр албан ёсоор хүлээж авлаа. Шинэ техникуудыг хүлээж авах ёслолын ажиллагаанд Багануур ХК-ийн гүйцэтгэгч захирал Э.Номинчулуун, ҮЭД захирал Н.Базарсүрэн, ТАЭД захирал П.Эрдэнэцогт, СХОЭД захирал Д.Ганзориг, Вагнер Ази Тоног төхөөрөмж ХХК-ийн Худалдаа ба түрээсийн газрын захирал Э.Энхдэлгэр, худалдааны төлөөлөгч Ч.Баяраа нар оролцож хүндэтгэлийн тууз хайчиллаа. Ёслолын ажиллагааны үеэр эдгээр шинэ техникуудыг хүлээн авч буй Технологийн авто машины ашиглалтын хэсгийн оператор жолооч нарт итгэмжлэл,  түлхүүрийг хадаг сүүний хамт гардуулан өглөө. Тэд тус техникийнхээ бүрэн бүтэн байдлыг хариуцаж өндөр үр бүтээлтэй ажиллахаа хэлж байв. Ёслолын үйл ажиллагаанд Вагнер Ази тоног төхөөрөмж ХХК-ийн урилгаар МУГЖ, уртын дуучин Г.Хонгорзул, язгуур урлагийн Алтай хамтлагууд хүрэлцэн ирж өөрсдийн уран бүтээлээсээ толилууллаа.

Монгол улсын нүүрсний хэрэгцээний 60 хувь, төвийн бүсийн эрчим хүчний зориулалттай нүүрсний хэрэгцээний 70 хувийг дангаараа хангадаг Багануур ХК өвлийн ид ачааллын үед  6 ширхэг техник худалдан авч буй нь цахилгаан станциудыг нүүрсээр найдвартай хангахад том хувь нэмэр болж байна.

Багануур ХК, Вагнер Ази тоног төхөөрөмж ХХК-тай 1998  оноос эхлэн хамтран ажиллаж Caterpillar фирмийн 40 гаруй ширхэг техник  худалдан авч байсан бөгөөд тус техникүүд Багануурын уурхайг 110 сая тонн нүүрсээ олборлоход зохих хувь нэмрийг оруулсан төдийгүй өдгөө ч найдвартай ажиллаж байна. Будаг нь ханхалсан шинэ техник хүлээн авсан операторуудын маань алтан шар зам нь өлзийтэй байх болтугай._L7A4135

Wagner Asia
Komit
Mera
Za mine