Манай хэлтэс нь “Багануур” ХК-ны бүх төрлийн техник тоног төхөөрөмжүүд, үйлчилгээний автомашин механизмууд, суурин тоног төхөөрөмжүүдийн ашиглалт, засвар үйлчилгээний ажилд хяналт тавин ашиглалтын болон засварын хэсгүүдийг удирдлагаар хангах, уулын ба автын тоног төхөөрөмжүүдийн зардлыг төлөвлөж зарцуулалтанд хяналт тавих, цахилгаан болон дулааны эрчим хүч, барилга байгууламжийн талаар техникийн зөв зохистой бодлого боловсруулан ажилладаг.

Технологийн Бодлогын хэлтэс  нь “Байгаль орчинд сөрөг нөлөөлөл багатай, үйлдвэрлэлд эдийн засгийн үр ашигтай шинэ дэвшилтэт техник технологи, бүтээгдэхүүн үйлчилгээг нэвтрүүлэх,  уулын ажлын өрнөлт, үйлдвэрлэлийн найдвартай жигд ажиллагааг хангах, технологийн процесс бүрийн үр ашиг, чанарыг дээшлүүлэхэд чиглэсэн ойрын болон хэтийн бодлого, чиглэл,  төлөвлөлтийг боловсруулан Монгол улсын хууль дүрмийн хүрээнд мэргэжлийн өндөр түвшний удирдлага, зөвлөмжөөр хангаж, гүйцэтгэл хэрэгжилтэд нь байнгын хяналт тавьж ажиллах” үндсэн үүрэгтэй.

Хяналтын хэлтэс нь компанийн хөдөлмөрийн аюулгүй ажиллагаа , эрүүл ахуйн болон эдийн засаг санхүүгийн хууль тогтоомж , стандарт , дүрэм , журам ба норм нормативын мөрдөлт , хэрэгжилтэнд хяналт тавьж , түүнийг биелүүлэх замаар хэлтсийн эрхэм зорилго ба уриаг амжилттай хэрэгжүүлэн компанид хөдөлмөр эрхлэгчдийн аюулгүйн ба эрүүл ахуйн сөрөг нөлөөлөлгүй ажиллах нөхцөлийг бүрдүүлж , энэ талаар бүх шатны удирдлагын хүлээх үүрэг хариуцлагын нэгдсэн системийг нэвтрүүлж ажилласнаар тодорхой үр дүнд хүрсэн.

Санхүү эдийн засгийн хэлтэс нь төлөвлөлт, эдийн засаг, мөнгөн хөрөнгө, бараа материал, үндсэн хөрөнгө, өглөг, авлага хариуцсан нийт 17 ажилтны бүрэлдэхүүнтэйгээр ажиллаж байна. Санхүү эдийн засгийн хэлтэс нь компанийн бизнесийн үйл ажиллагааг төлөвлөх, санхүү эдийн засгийн нөөц бололцоог гадаад зах зээлийн нөхцөлтэй уялдуулан зохицуулах, хянах, эдийн засгийн үр ашигтай дотоод бололцоог бий болгон үнэ, ашиг, өртөг зардлыг бүрэн тооцож эдийн засгийн аргаар удирдах, мэдээллийг үнэн зөв, цаг алдалгүй тайлагнах зорилготой.

Үйлдвэр борлуулалтын алба нь уулын ажлын бүтээлийг бүртгэх программаар машин, тоног төхөөрөмжийн ажилласан байдлыг бүртгэн, үйлдвэрлэлийн үйл ажиллагааны талаар мэдээлэл цуглуулан гарсан  сул зогсолт, зөрчилийг арилгах ажлыг шуурхай зохион байгууллаж үйлдвэрлэлийн төлөвлөгөөт үзүүлэлтийг ээлж тутам хангах зорилт тавьж ажилладаг.

Мэдээллийн хэмээх тодотголтой энэ 21-р зуунд альваа хүчирхэг компаниудын нэг гол үзүүлэлт нь үндсэн үйлдвэрлэл, үйлчилэгээндээ мэдээллийн технологийг хэр хэмжээнд нэвтрүүлсэн байдалаар хэмжигддэг  болжээ. Багануур ХК-н хувьд ч мэдээллийн шинэ шинэ техник, технологийг үйлдвэрлэлдээ нэвтрүүлэхийг цаг ямагт эрмэлзэж, дэмжин зохион байгуулж ирсэн. Ингэснээр үйлдвэрллийн зардал багасах, ажилчдын ажиллах орчин, бололцоо дээшлэх, цаг хугацаа хэмнэх гэх мэт маш олон давуу талуудыг бий болгох нь зайлшгүй.

Уулын 1-р хэсгийн хэсэгт  ЭШ-15/90 №137, ЭШ-10/70 №50, ЭШ-13/50 №35 ,ЭКГ-10И №33, ЭКГ-8И №2250, ЭКГ-4У №323, ЭКГ-5А №1426, ЭКГ-5А №1581 гэсэн алхагч болон шууд утгуурт экскаваторуудын бригад, СБР-160А №07,08,09, СВБ-2М №17 өрмийн бригад, тэсэлгээний бригад, цахилгааны бригад, ИТА-12, БТА-1 нийт 128 хүний орон тоотойгоор ажиллаж байгаа Багануур ХК-ны үндсэн хэсгийн нэг юм.

Уулын 2-р хэсэг нь О.Цогхүү даргатай нийт 12 ИТА, 131 ажилчидтайгаар үйл ажиллагаа явуулдаг нийт ажиллагсдын 77 буюу 57%-ийг 35 хүртэлх насны залуучууд эзэлдэг. 
Өрөмдлөг тэсэлгээний ажил дээр D-50KS №409, СБР-160 3ш нийт 4 өрмийн машин, тэсэлгээний бригадад 8 хүн ажилладаг.

Тус уурхайн автопарк нь анх 1978 оны 2-сарын 22-ны өдөр 4 автомашинтай   45 ажилтан албан хаагчтай  байгуулагдсан . Улмаар өргөжин 1978 оны 3-р  сарын 6-нд МАЗ маркийн 22 автосамосвал ,1978 оны 4-р сарын 28 нд КРАЗ маркийн 12 автомашин нэмэгдэж ирснээр уурхайн хөрс болон нүүрс тээвэрлэлтийн ажлыг хийж эхэлсэн.

1978 онд Багануурын Түр Уурхайд  Төмөрбаатар, Равжир, Ж.Жанцан , Ойдовсамбуу Т.Ганбаатар зэрэг хүмүүс цахилгаачнаар ажиллаж дизель цахилгаан станцаар анхны цахилгааны эх үүсвэрийг түгээж эхэлсэн.
1983 оноос ЗМХ-ийн харьяанд Цахилгаан цех нэртэйгээр байгуулагдан цахилгаан хангамжтай холбоотой засвар үйлчилгээ болон бүх ажлыг зохион байгуулан ажиллаж байсан. Цахилгаан цехийн даргаар Ж.Алтанхуяг, Б.Баярхүү, Х.Балсандорж нар ажиллаж байлаа.

Засварын  хэсэг нь анх 1983 онд Ж.Чимэддорж даргаар удирдуулсан 50-иад ажилчидтай уулын тоног төхөөрөмжийн засвар үйлчилгээний ажлыг гүйцэтгэх зорилготой байгуулагдсан. 1986-1988 онд Нэгдсэн засварын барилга бүрэн ашиглалтанд орж уулын тоног төхөөрөмж, думпкар, зүтгүүр засвар бүхий хэсэг болон өргөжсөн. 1980-аад оноос эхлэн үе үеийн он дараалсан илгээлтийн эзэд, их дээд, тусгай дунд болон техник мэргэжлийн сургуулийг төгссөн залуучууд ирж шижигнэсэн бүтээлээр дүүрэн эвсэг хамт олон болж ажиллаж ирлээ.

Багануурын нүүрсний уурхайд 1981 онд гадаргуугаас цооногоор ус шавхах аргаар 12 цооногтой, 1000 метр урт коллекторын шугамтайгаар ус зайлуулалт хийж эхэлсэн.  Энэ үед гүний 12 цооногтой ЭЦВ-12, ЭЦВ-8  маркийн насосыг хэрэглэж жилд дунджаар 1-1.5 сая шоометр  ус зайлуулж байв.