"Багануур ХК" ХасБанктай хамтран ажиллагсдын санхүүгийн хэрэгцээ шаардлагад нийцсэн банкны цогц бүтээгдэхүүн үйлчилгээг хүргэх, дэмжлэг үзүүлэх зорилгоор хамтран ажиллах санамж бичгийг харилцан баталлаа. Ийнхүү ХасБанктай хамтран ажилласнаар Багануур ХК нь ажиллагсадынхаа орлого, худалдан авах чадварт нийцсэн олон төрлийн зээлийн бүтээгдэхүүн, санал санаачлагууд, төслийг хамтран хэрэгжүүлэх, тодорхой шалгуурыг хангасан ажиллагсдад орон сууцны урт хугацаатай хөнгөлөлттэй зээлийг олгох юм.
Мөн ХасБанк нь Багануур ХК-ийн үйлдвэрлэлийг түшиглэн үйл ажиллагаагаа шинээр явуулах иргэн, аж ахуйн нэгж, мөн хамтран ажиллаж буй бусад байгууллага, иргэнд санхүүгийн хэрэгцээ шаардлагыг хангасан бүтээгдэхүүн үйлчилгээг аль болох харилцан таатай нөхцөлтэйгээр хангаж ажиллах юм.
