Багануур ХК-ийн Уурхайчин хүүхдийн зөвлөлөөс санаачлан ахлах ангийн сурагчдын дунд “We love Baganuur” их цэвэрлэгээний ажлыг 2011 оны 11-р сарын 7-ны өдөр зохион байгууллаа.
Уг ажилд Гүн галуутай цогцолбор болон Боловсрол цогцолбор сургуулийн 9-өөс 11-р ангийн нийт 660 сурагч оролцож Багануур ХК-ийн гаднаас Наран хороолол орох зам дагуу болон дүүргийн төв гудамж, байрнуудын дундах талбайн хог хаягдалуудыг цэвэрлэлээ. Сурагчдын цэвэрлэсэн хогийг Багануур ХК-иас болон Авто жим НӨҮГ-аас хогийн машин гарган ачуулсан бөгөөд 4 машин хог цэвэрлэсэн байна.
- Их цэвэрлэгээний ажилд сурагчидаа сайн зохион байгуулан оролцуулсан Гүн галуутай цогцолбор болон Боловсрол цогцолбор сургуульд “Уурхайчин” спорт цогцолборт амралтын өдрөөр сургуулийнхаа үйл ажиллагааг зохион байгуулах эрх,
- Хамгийн их хог цэвэрлэж 1-р байранд орсон Гүн галуутай цогцолбор сургуулийн 11-6 ангийг Уурхайтай танилцах болон Уурхайчин спорт цогцолборт 4 удаа ангиараа тоглох эрх,
- 2-р байранд орсон Гүн галуутай цогцолбор сургуулийн 9-1 ангийг уурхайтай танилцах болон Уурхайчин спорт цогцолборт 2 удаа ангиараа тоглох эрх,
- 3-р байранд орсон Боловсрол цогцолбор сургуулийн 11-2 ангийг Уурхайчин спорт цогцолборт 3 удаа тоглох эрх,
- Тусгай байранд орсон Боловсрол цогцолбор сургуулийн 9-4 ангийг Уурхайчин спорт цогцолборт 2 удаа ангиараа тоглох эрхээр шагнаж урамшууллаа.
- Мөн ангиа сайн зохион байгуулан оролцуулсан 3 багшийн Уурхайчин спорт цогцолборийн Фитнесс клубт нэг сар үнэ төлбөргүй хичээллэх эрхээр шагнасан байна.
Их цэвэрлэгээний ажилд амжилттай оролцсон нийт сургачиддаа талархал илэрхийлье.
